Cé sinne?
Is eagraíocht neamhspleách, neamh-bhrabrúsach sinn atá ag feidhmiú ar son tomhaltóirí a bhfuil earraí agus freastal i nGaeilge ag teastáil uathu.
Cad chuige an Cumann?
Is ar ghnó, tráchtáil, ceannach, agus gnóthaí tomhaltóirí amháin atá Cumann na dTomhaltóirí Gaeilge dírithe.
Níl aon bhaint ag Cumann na dTomhaltóirí Gaeilge le gnéithe eile de shaol na Gaeilge amhail an litríocht, oideachas, ceol, beartais rialtais, gnóthaí óige, agus araile. Tá eagraíochtaí eile ann faoi choinne na gnóthaí sin. Ní carthanas é Cumann na dTomhaltóirí Gaeilge agus níl baint ná ceangail againn le heagraíocht ar bith eile. Is i nGaeilge amháin a dhéanfar gnó an chumainn.
Cláraigh le Cumann na dTomhaltóirí GaeilgeÁr gCuspóirí
Láithreach
- Daoine le Gaeilge a thabhairt le chéile in eagraíocht agus iad a choimeád ar an eolas maidir le táirgí agus seirbhísí atá le fáil i nGaeilge.
- Chun taighde a dhéanamh ar na táirgí agus na seirbhísí ar mian leis na baill a bheith acu.
- Chun áitiú ar an lucht gnó chun táirgí agus seirbhísí i nGaeilge a chur ar fáil.
- Eolaire gnó a chur i dtoll a chéile ina bheidh eolas faoi tháirgí agus seirbhísí i nGaeilge agus cár féidir iad a cheannach agus an t-eolaire a choimeád cothrom le dáta.
Amach anseo
- Imeachtaí agus aonaigh a eagrú air ar féidir le tomhaltóirí le Gaeilge earraí nua a cheannach.
- Ollmhargaí agus ionaid eile a bhunú inar féidir le baill den Chumann lón-earraí agus táirgí eile le Gaeilge a cheannach.
- Comhar creidmheasa a bhunú dár mbaill chun go mbeidh siad in ann airgead a choigilt agus freastal a fháil i nGaeilge.
- Airgeadra cúnta a bhunú, an Séad, a chruthóidh nasc idir dhaoine le Gaeilge agus gnólachtaí, agus freisin, a neartóidh geilleagar na hÉireann.
Cén fáth?
Ní ar mhaithe leis an nGaeilge amháin atá an Cumann ann. Nuair a bhíonn rath ar an nGaeilge, bíonn rath ar an ngeilleagair freisin. Táid fite fuaite ina chéile.
Gach uair a éilíonn tomhaltóir earraí nó seirbhísí i nGaeilge, tacaíonn sé sin le geilleagar na hÉireann mar ní féidir le tír ar bith eile fónamh don éileamh sin. Fanfaidh airgead in Éirinn mar is in Éirinn amháin a bhfuil an Ghaeilge le fáil agus ní féidir le daoine i dtíortha eile earraí agus seirbhísí i nGaeilge a chur ar fáil. Fiú má dhéantar táirgí le Gaeilge i dtír eile, caithfear duine éigin le Gaeilge a fhostú chun an táirge a aistriú nó a dhearadh. Sin an fáth a bhfuil tábhacht chomh mór leis an nGaeilge do gheilleagar na hÉireann.
Fáilte roimh chách
Tá fáilte roimh aon duine ar mian léi nó leis earraí agus freastal a fháil i nGaeilge a bheith ina b(h)all den Chumann. Is cuma faoi do ghnéas, d'aois, do chreideamh, do ghnéasúlacht, do chumas, cá bhfuil cónaí ort, má tá tú fostaithe nó nach bhfuil, faoin méid oideachas atá agat, nó faoi do thuairimí polaitíochta ná do náisiúntacht. Cuirfear fáilte roimh chách.
Scaip an scéal
Áitigh ar do mhuintir nó ar dhaoine eile le Gaeilge a bhfuil aithne agat orthu a bheith ina mbaill freisin.
Déan Teagmháil Linn
Más mian leat dul i dteagmháil linn, seol teachtaireacht chugainn.